جھنگ(جھنگ تیز نیوز)جھنگ ٹوبہ روڈ سمیت شہر کی مختلف اہم سٹرکیں سیوریج کے ناقص انتظامات کے باعث ٹوٹ پھوٹ کا شکار ہیں ۔ جس کی وجہ سے شہریوں کو شدید مشکلات کا سامنا ہے ۔تفصیلات کے مطابق مصروف ترین جھنگ ٹوبہ روڈ اور راؤ کالونی کے قریب کی سٹرک گندے پانی کی وجہ سے تباہ حال ہوچکی ہیں ۔کئی سالوں سے سیوریج نظام نہ ہونے سے اردگرد کی آبادیوں کا گندہ پانی سٹرک پر جمع ہونے سے کھنڈربن چکی ہے۔ ٹرانسپورٹ اور مکینوں کو آمدورفت میں شدید دشواری کا سامنا ہے ۔ عوامی حلقوں نے ضلعی انتظامیہ سے مطالبہ کیا ہے کہ مذکورہ سٹرک کو مرمت اور سیوریج نظام کو فی الفور درست کیا جائے تاکہ مکینوں کو درپیش مشکلات کم ہوسکیں ۔
0 تبصرے:
ایک تبصرہ شائع کریں