مظفرگڑھ (جھنگ تیز نیوز ) مظفرگڑھ میں پہلی بار پولیس شہداء کے بچوں کے لئے ضلع مظفر گڑھ میں فر ی ایجوکیشن کی سہولت کا آغاز کر دیا گیا ہے اس ضمن میں کچھ عرصہ قبل ڈی پی او مظفر گڑھ فیصل شہزاد نے اپنا بھر پور کردار ادا کرتے ہوئے ضلع مظفر گڑھ کے پرائیویٹ تعلیمی داروں کے مالکان سے ملاقات کی اور پولیس شہدا ء کے بچوں کے تعلیمی معاملات پر بات چیت کی جس پر پرائیویٹ تعلیمی اداروں کے مالکان نے پولیس شہداء کی قربانیوں کو سراہا اور انہیں خراج تحسین پیش کرتے ہوئے کہا کہ وہ اپنے اداروں میں پولیس شہدا ء کے بچوں کو مفت تعلیم دیں گے جبکہ تمام پولیس اہلکاروں کے بچوں کی سکول فیس نصف کر دی جائے گی جس پر عمل درآمد کرتے ہوئے ضلع بھر کے چودہ تعلیمی اداروں نے پولیس شہداء کے بچوں کو یہ سہولت فراہم کردی ہے جن میں آئیڈیل پبلک سکول مظفر گڑھ ،پنجاب پبلک ہائر سکینڈری سکول مظفر گڑھ ،سٹی سائنس اکیڈیمی مظفر گڑھ ،دی ایجوکیٹرسکول مظفر گڑھ ،سپیرئیرسائنس ہائر سکینڈری سکول مظفر گڑ ،اپیکس ہائی سکول مظفر گڑھ ،پنجاب پبلک سکول مظفر گڑھ ،پنجاب انٹر گرلز کالج علی پور ،الائیڈ پبلک سکول علی پور ،راشد منہاس ہائی سکول علی پور ،آصف سلیم ہائر سکینڈری سکول علی پور ،ممتاز میرٹ گرلز سکول علی پور ،نالج مڈل سکول علی پور ،رائز ہائر سکینڈری سکول مظفر گڑھ شامل ہیں جبکہ دیگر مزید تعلیمی ادارے بھی جلد اس سہولت کا آغاز کردیں گے ۔اس اقدام پر پولیس شہداء کے خاندانوں نے ڈی پی او مظفر گڑھ فیصل شہزاد کا شکریہ ادا کرتے ہوئے کہا ہے کہ ان کے اس اقدام سے پولیس اہلکاروں کا مورال بلند ہویا ہے یاد رہے کہ پولیس شہداء کے بچوں کی تعلیم وتربیت کے لئے پنجاب بھر میں اٹھایا گیا یہ پہلا قدم ہے جو کہ قابل تحسین ہے ۔
0 تبصرے:
ایک تبصرہ شائع کریں