جھنگ (چوہدری فیصل نمائندہ جھنگ تیز نیوز )ڈسٹرکٹ پولیس آفیسر جھنگ شاکر حسین داوڑ کی ہدایت پر جھنگ پولیس نے سنگین جرائم میں ملوث مجرمان اشتہاری ، عدالتی مفرور ، چوروں ڈکیتوں ، منشیات فروشوں اور ناجائز اسلحہ رکھنے والوں کے خلاف سخت کاروائیاں کیں ۔جھنگ پولیس نے اس ایک ماہ میں 108 اشتہاری مجرمان ، 51عدالتی مفروران اور 17عادی مجرمان گرفتار کئے جن میں کیٹیگری A کے 13 ملزمان اشتہاری بھی شامل ہیں نیز روڈ ڈکیتیوں میں ملوث 01 گینگ کو بھی گرفتار کیا گیا ہے۔ جھنگ کو منشیات جیسے زہر کی لعنت سے پاک کرنے کے لئے 58 منشیات فروشوں کو قانون کے شکنجے میں لا کر پابند سلاسل کرایا گیا ۔ ملزمان سے چرس14.203کلوگرام، ہیروئن 0.475 کلو گرام ، لہن160 لیٹر ،شراب 509 بوتلیں اور 3 چالو بھٹیاں برآمدکی گئیں ، جن میں 9-C کے کل7 مقدمات بھی شامل ہیں ۔نیشنل ایکشن پلان پر عمل کرتے ہوئے جھنگ کو نا جائز اسلحہ سے پاک کرنے کی مہم کے دوران 63 ملزمان کو گرفتار کر کے انکے خلاف مقدمات کا اندراج کیا گیا ۔ ملزمان کے قبضہ سے رائفل4عدد، ریوالور16 عدد، کاربین4 عدد، کلاشنکوف2 عدد ،بندوق16عدد،پسٹل 30 عدد اور83عددکارتوس برآمدکئے گئے ۔ نیشنل ایکشن پلان پر عمل کرتے ہوئے لاؤڈ سپیکر کی خلاف ورزی کرنے والوں کے خلاف20 مقدمات درج کرکے ان کے خلاف قانونی کاروائی کی گئی ہے ۔ موجودہ سکیورٹی کی صورت حال کو مد نظر رکھتے ہوئے پنجاب سکیورٹی آف ولنرایبل اسٹیبلشمنٹ آرڈینینس 2015 کی خلاف ورزی کرنے پر پٹرول پمپ ہائے اور بڑے تجارتی مراکز کے خلاف16 مقدمات درج رجسٹرکرکے ذمہ داران کے خلاف قانونی کاروائی کی گئی ۔کھلا پٹرول فروخت کرنے پر 05 مقدمات درج کئے گئے اور اس کے انسداد کے لئے تمام SHOs کو ہدایات بھی دی گئیں ہیں ۔شریف شہریوں کو فو ن پر دھمکیاں دینے پر ٹیلی گراف ایکٹ کے تحت 02 مقدمات درج رجسٹر ہوئے اور شہریوں کو فون پر ڈرانے دھمکانے کے انسداد کے لئے IT برانچ کی مدد کے لئے ہدایت کی گئی ہے ۔غیر قانونی گیس ری فلنگ کرنے پر 62 مقدمات، بجلی چوری کرنے پر 08 مقدمات اور پانی چوری کرنے پر 06 مقدمات درج کئے گئے اور صرف ان مقامات پر گیس ری فلنگ کی اجازت ہوگی جن کو سول ڈیفنس محفوظ قرار دے گا ۔ کرایہ داری ایکٹ کے تحت 10 مقدمات درج رجسٹر کئے گئے تا کہ ملک دشمن و سماج دشمن عناصر کو تخریبی کاروائیوں کے لئے رہائش ٹھکانہ نہ مل سکے اور جو شخص بھی اپنا مکان ، فلیٹ وغیرہ کرایہ پر دے گا وہ پولیس خدمت مرکز میں فوری طور پر اس کا اندراج کروائے ۔ کائیٹ فلائنگ کے خلاف 01 مقدمہ درج رجسٹر کیا گیا تا کہ کسی بھی جانی و مالی نقصان سے بچا جا سکے ، اس بارے جھنگ پولیس نے تمام SDPOs اور SHOs کو ہدایات بھی جاری کر دی گئیں ہیں کہ انکے علاقہ میں پتنگ بازی کا کوئی واقعہ پیش نہ آئے ۔شادی بیاہ و دیگر تقریبات پر آتش بازی کرنے پر اور آتش بازی کا سامان فروخت کرنے پر 04 مقدمات درج رجسٹر کئے گئے ۔ اس کے علاوہ ڈکیتی،رہزانی، چوری ،مویشی چوری کے مقدمات میں ملوث ملزمان کوگرفتار کرکے ان سے12 لاکھ روپے سے زائدمالیت کامال مسروقہ بھی برآمد کیا گیا جو کہ بلا تاخیر حوالے مالکان کئے گئے ہیں جس کو عوام نے بڑا سراہا ہے اور پولیس کے کردار کی تعریف کی ۔
0 تبصرے:
ایک تبصرہ شائع کریں