اسلام آباد (احسان احمد بیورو چیف جھنگ تیز): سپریم کورٹ نے این اے 60 راولپنڈی میں قانون کے مطابق الیکشن کرانے کا حکم دے دیا۔ شیخ رشید نے الیکشن التواء کیخلاف درخواست واپس لے لی۔تفصیلات کے مطابق چیف جسٹس ثاقب نثارکی سربراہی میں تین رکنی بینچ نے این اے 60 راولپنڈی کا الیکشن ملتوی کیے جانے کیخلاف شیخ رشید کی درخواست پرسماعت کی۔ سماعت کے آغازپرشیخ رشید نے درخواست واپس لینے کی استدعا کی اور کہا کہ وہ عدالت پر بوجھ نہیں ڈالنا چاہتے۔ چیف جسٹس نے ریمارکس دیئے کہ تاثرہے کہ جسٹس ثاقب نثار شیخ رشید کا ساتھ دیتا ہے۔ شیخ رشید بولے چیف جسٹس نے قوم پربڑا احسان کیا ہے،انکی عظمت کوسلام پیش کرتا ہوں۔ایک نجی ٹی وی کی رپورٹ کے مطابق سرابرہ عوامی مسلم لیگ شیخ رشید نے سپریم کورٹ کے باہر میڈیا سے گفتگو کرتے ہوئے کہا قوم تبدیلی چاہتی ہے، عمران خان ہی ڈلیور کر سکتے ہیں، این اے 60 سے راشد شفیق ہماری طرف سے الیکشن لڑیں گے، میرے مد مقابل امیدواروں میں سے ایک نا اہل ہوا، دوسرا بیٹھ گیا۔ انہوں نے کہا یہ فیصلہ عمران خان کریں گے وہ قلم دوات سے الیکشن لڑیں یا بلے کے نشان سے،جوعمران خان کا فیصلہ ہے وہ قوم کا فیصلہ ہے۔یاد رہے شیخ رشید کا کہنا تھا پاکستان کے تینوں صوبوں میں پی ٹی آئی حکومت بنا رہی ہے، عوام نے عمران خان پر پورا اعتماد کیا ہے، آج پاکستان کی جیت ہوئی ہے۔ انہوں نے کہا چودھری نثار کے بعد میں سب سے سینیئر پارلیمنٹرین ہوں، مجھے مناسب نہیں لگتا کہ عمران خان سے وزارت مانگو۔ سربراہ عوامی مسلم لیگ نے کہا نالہ لئی شروع ہوگا، نالہ لئی کے گردونواح کوئی غریب اپنی جائیدادیں نہ بیچے، نالہ لئی کے گردونواح میں پلازے بنیں گے، راولپنڈی کے کسی ہسپتال میں وینٹی لیٹر نہیں ہے-
0 تبصرے:
ایک تبصرہ شائع کریں