اسلام آباد(جھنگ تیز نیوز)حکومت نے اسلحہ کے لائسنس پر عائد پابندی کو ختم کرتے ہوئے اسٹینڈرڈ آپریٹنگ پروسیجر کو لائسنس کے اجراء کا حصہ بنادیا ہے۔ وفاقی دارالحکومت میں ضلعی مجسٹریٹ کے دفتر سے جاری کئے گئے نوٹیفیکیشن کے مطابق غیر ممنوعہ بور کے لائسنس کو تمام قانونی تقاضے پورا کرنے کے بعد وزارت داخلہ کی پالیسی اور ضلعی مجسٹریٹ کے ایس او پی کی روشنی میں جاری کیا جائے گا۔غیر ممنوعہ بور اسلحہ میں نان آٹومیٹک اور سیمی آٹومیٹک شاٹ گن، ریوالور اور پستول شامل ہیں۔ایس او پی کے مطابق یہ فہرست حتمی نہیں، اس معاملے پر وقتاً فوقتاً نوٹیفیکیشن جاری کئے جاتے رہیں گے۔ یاد رہے کہ حکومت نے اسلحہ کے لائسنس کا اجراء پر جون 2013 میں پابندی عائد کی تھی۔وفاقی انتظامیہ کے حکام کا کہنا ہے کہ اسلحہ لائسنسوں کو درخواست گزار کی جانچ پڑتال کے بعد جاری کیا جائے گا جس کے لئے اسپیشل برانچ کی خدمات بھی حاصل کی جائیں گی۔ایک مہینے میں تقریباً 100 لائسنس جاری کئے جائیں گے اور درخواست جمع ہونے کے بعد لائسنس جاری ہونے کے درمیان تقریباً 2 ہفتے کا وقت درکار ہوگا۔
0 تبصرے:
ایک تبصرہ شائع کریں