جھنگ (جھنگ تیز) ڈسٹرکٹ اینڈ سیشن جج جھنگ چوہدری منیر احمد نے گزشتہ روز ڈسٹرکٹ جیل کا دورہ کیا جس کے دوران انہوں نے خواتین و نو عمر قیدیوں کے وارڈز ، جیل ہسپتال اور لنگر خانے کا معائنہ کیا ۔ اس موقع پر سپرنٹنڈنٹ جیل چوہدری ارشد علی وڑائچ اور ڈپٹی سپرنٹنڈنٹ علی امیر شاہ بھی موجود تھے ۔ ڈسٹرکٹ اینڈ سیشن جج نے قیدیوں سے ان کے مسائل دریافت کیے اور معمولی مقدمات میں ملوث دو قیدیوں کی ذاتی مچلکوں پر فوری رہائی کے احکامات جاری کر دیے ۔ انہوں نے قیدیوں کے کھانے کے معیار ، جیل میں صفائی اور سکیورٹی کے انتظامات پر اطمینان کا اظہار کرتے ہوئے جیل انتظامیہ کو یہ معیار ہمیشہ برقرار رکھنے کی ہدایت کی۔
0 تبصرے:
ایک تبصرہ شائع کریں