اٹھار ہزاری ( سٹاف رپورٹر )پنجاب ایجوکیشن فاؤنڈیشن کے پارٹنر سکولز کے اساتذہ چار ماہ کی تنخواہوں سے محروم ، پنجاب بھر کے ہزاروں اساتذہ کے گھروں میں فاقے ، پنجاب ایجوکیشن فاؤنڈیشن نے فنڈز ریلیز نہیں کیے ، سکول مالکان کا موقف ، تفصیلات کے مطابق پنجاب ایجوکیشن فاؤنڈیشن کی معانت سے پنجاب بھر کے 7400سے سے زائد سکول لاکھوں بچوں کو تعلیم کے زیور سے آراستہ کر رہے ہیں جن میں ہزاروں اساتذہ کام کرتے ہیں ان اساتذہ کو گزشتہ چار ماہ سے تنخواہیں ادا نہیں کی گئیں چار ماہ کی تنخواہیں نہ ملنے سے ٹیچرز شدید مشکلات کا شکار ہیں ان کے گھروں میں نوبت فاقوں تک پہنچ گئی ہے تنخواہوں سے محروم اساتذہ کرام کا کہنا ہے کہ پنجاب ایجوکیشن فاؤنڈیشن کے پارٹنر سکولز پہلے ہی بہت کم تنخواہیں دیتے ہیں اب وہ بھی چار ماہ سے نہیں دی جارہی جس کی وجہ سے گھروں میں فاقے ہیں جبکہ دکانداروں نے ادھار دینا بھی بند کر دیا ہے دوسری جانب سکول مالکان کا کہنا ہے کہ پنجاب ایجوکیشن فاؤنڈیشن نے فنڈز جاری نہیں کیے جس کی وجہ سے سٹاف کو تنخواہیں نہیں دی جاسکیں ، جیسے ہی پیف (PEF)نے فنڈز جاری کیے فوری طور پر سٹاف کو تنخواہیں ادا کر دی جائیں گی ۔
0 تبصرے:
ایک تبصرہ شائع کریں