جھنگ(جھنگ تیز نیوز )پی پی 126جھنگ سے راشدہ یعقوب اور شیخ یعقوب کے کاغذات مستردہونے کے معاملے سے متعلق لاہور ہائی کورٹ نے درخواست پر محفوظ فیصلہ سنا تے ہوئے دونوں امید واروں کو نا اہل قرار دے دیا ۔تفصیلات کے مطابق جھنگ کے حلقہ پی پی 126سے تحریک انصاف کے دو امید واروں راشدہ یعقوب اور ان کے خاوند شیخ یعقوب کو نا اہل قرار دے دیا ،لاہور ہائی کورٹ کے دو رکنی بینچ کی جانب سے ان امیدواروں کو انتخاب میں حصہ لینے کے فیصلے کو کالعدم قرار دیا ہے ۔دونوں امید واروں کو اثاثے چھپانے پر نا اہل قرار دیا گیا ،نا اہل ہونے والے دونوں امید واروں نے قرضے بھی معاف کرائے ۔دوسری جانب تحریک انصاف نے بھی راشدہ یعقوب کو دی گئی پارٹی ٹکٹ ختم کردی ہے اور ان کی جگہ ابوالحسن انصاری کو ٹکٹ دے کر نو ٹیفیکیشن جاری کردیا ہے ۔جبکہ دوسری جانب این اے 115 جھنگ کے امید وار مولانا محمد احمد لدھیانوی کی اہلیت برقرار رکھی گئی ہے۔
0 تبصرے:
ایک تبصرہ شائع کریں