لاہور (نمائندہ خصوصی) محکمہ داخلہ پنجاب نے قصور میں ننھی زینب سمیت کئی بچیوں کے قاتل عمران علی کے خلاف مقدمہ جیل میں چلانے کا فیصلہ کر لیا ۔ ذرائع کے حوالے سے بتایا گیا ہے کہ محکمہ داخلہ پنجاب نے قصور میں زینب سمیت بچیوں کو زیادتی کے بعد قتل کرنے والے عمران علی کا ٹرائل جیل میں کرنے کا فیصلہ کیا ہے ،یہ فیصلہ عمران علی کی سکیورٹی کو یقینی بنانے کے لیے کیا گیا ہے، عمران علی کو کوٹ لکھپت جیل میں رکھا جائے گا ، جیل میں ملزم کے لئے خصوصی سیل بنادیا گیا ہے جس میں سی سی ٹی وی کیمرے نصب ہیں، ان کیمروں کی مدد سے عمران علی پر نظر رکھی جائے گی تاکہ وہ کوئی انتہائی قدم نہ اٹھاسکے۔ واضح رہے کہ قصور کے عمران علی عرف مانا پر 8سالہ زینب سمیت کئی بچیوں کو اغوا ء کرکے انہیں زیادتی کے بعد قتل کرنے کا الزام ہے، ڈی این اے ٹیسٹ سے الزامات ثابت ہوگئے ہیں اور ملزم نے بھی اپنے مکروہ افعال کا اعتراف بھی کیا ہے۔
0 تبصرے:
ایک تبصرہ شائع کریں