فیصل آباد(جھنگ تیز)حکومت پنجاب کی ہدایت پر ڈویژنل کمشنر مومن آغا نے بورڈ آف انٹرمیڈیٹ اینڈ سیکنڈری ایجوکیشن فیصل آباد کے چیئرمین کاایڈیشنل چارج سنبھال لیا۔عہدے کا چارج سنبھالنے کے بعد اجلاس سے خطاب میں انہوں نے کہا کہ یکم مارچ سے شروع ہونے والے میٹرک امتحانات کاشفاف انعقاد اولین ترجیح ہے ، اس سلسلے میں بورڈ افسران ضروری انتظامات کو حتمی شکل دیں۔انہوں نے کہا کہ امتحانی مراکز میں محفوظ وپرسکون ماحول یقینی بنانے کے علاوہ طالب علموں کے رول نمبر کی بروقت ڈلیوری اورمحنتی،دیانتدار اورغیر متنازعہ امتحانی عملہ تعینات کریں جن کی جدید خطوط پر ٹریننگ کا عمل بھی بروقت مکمل کیاجائے۔ انہوں نے کہا کہ حکومت پنجاب کے موثرترین اقدامات کے تحت بوٹی کلچر کا خاتمہ کیا گیا ہے جس کا تسلسل برقرار رہنا چاہیے ۔اس موقع پر سیکرٹری بورڈ خرم قریشی نے بتایا کہ میٹرک امتحان 2018ء کے انتظامات کو حتمی شکل دی جارہی ہے
0 تبصرے:
ایک تبصرہ شائع کریں