اٹھارہ ہزاری(تحصیل رپورٹر ) اسسٹنٹ کمشنر اٹھارہ ہزاری کا بنیادی مرکز صحت جبوآنہ کا اچانک دورہ، عملہ کی حاضری چیک کی ،ہسپتال انتظامیہ کو چوبیس گھنٹے شہریوں کو علاج معالجہ کی مفت سہولیات یقینی بنانے کی واضح ہدایت۔ تفصیلات کے مطابق اسسٹنٹ کمشنر اٹھارہ ہزاری محمد اسد چانڈیہ نے بنیادی مرکز صحت جبوآنہ کا اچانک دورہ کیا جس کے دوران انہوں نے سٹاف کی حاضری چیک کرنے کے علاوہ ہسپتالوں میں عوام کو دی جانیوالی طبی سہولتوں کا بغور جائزہ لیا۔انہوں نے انتظامیہ کو سٹاف کی حاضری یقینی بنانے کی ہدایت کی۔اسسٹنٹ کمشنر کا اس موقع پر کہنا تھا کہ ہسپتال میں عملہ کی کمی کو پورا کرنے کیلئے سی ای او ہیلتھ اتھارٹی جھنگ ڈاکٹر یونس رشید کھوکھر کو سمری بھیجی جا رہی ہیں ،عادی اور کام چور غیر حاضر عملے کے خلاف کارروائی عمل میں لائی جارہی ہے انہوں نے ہسپتال انتظامیہ کو ادویات کی کمی کو پورا کرنے کے لیے محکمہ صحت کو سمری بھجوانے کی ہدایت بھی کی انکا کہنا تھا کہ ہسپتال آنے والے تمام مریضوں کو علاج معالجہ کی بہترین سہولیات اور انہیں ریلیف کی فراہمی کو یقینی بنایا جائے اس حوالے سے کسی قسم کی غفلت ہرگز برداشت نہیں کی جائے گی۔
0 تبصرے:
ایک تبصرہ شائع کریں