چودھری سرور کل گورنر پنجاب کے عہدے کا حلف اٹھائیں گے

لاہور(جھنگ تیز نیوز)پاکستان تحریک انصااف کی جانب سے پنجاب کے نامزد گورنر چوہدری سرور کل اپنے منصب کا حلف اٹھائیں گے، جس کے لیے دعوت نامے جاری کردیئے گئے ہیں۔

نجی ٹی وی چینل ”ہم نیوز “کے مطابق پاکستان تحریک انصاف کی جانب سے نامزد گورنر پنجاب چوہدری محمد سرور کل گورنر پنجاب کاحلف اٹھا لیں گے ، تقریب حلف برداری کل شام چھ بجے منعقد ہوگی، چیف جسٹس لاہور ہائی کورٹ گورنر پنجاب سے حلف لیں گے،سپیکر پنجاب اسمبلی چودھری پرویز الٰہی چودھری سرور کے حلف اٹھانے تک قائم مقام گورنر پنجاب کی ذمہ داریاں ادا کررہے ہیں ،چودھری سرور نے گورنر پنجاب کا حلف 28 اگست کو اٹھانا تھا لیکن صدارتی انتخابات کی وجہ سے تقریب حلف برداری مو¿خر کردی گئی تھی۔

پاکستان تحریک انصاف کے انتخاب میں کامیاب ہونے کے بعد گورنر پنجاب کے منصب پر فائز ملک رفیق رجوانہ نے اپنے عہدے سے استعفیٰ دے دیا تھا، رفیق رجوانہ کو مئی 2015 میں گورنر پنجاب مقرر کیا گیا تھا اورانہوں نے تین سال تک گورنر کی ذمہ داریاں ادا کیں،انہوں نے اس منصب سے مستعفی ہونے کا اعلان لاہورہائی کورٹ میں کیا تھا۔

Share on Whatsapp

About Jhang Tezz

This is a short description in the author block about the author. You edit it by entering text in the "Biographical Info" field in the user admin panel.