مردان (جھنگ تیز) مردان پولیس کے دو ایس ایچ اوز کے تبادلے، ایس ایچ او لوند خوڑ کو معطل کر کے لائن حاضر کر دیا گیا۔
تفصیلات کے مطابق ضلعی پولیس سربراہ ڈاکٹر میاں سعید احمد نے ایس ایچ او تھانہ لوند خوڑ سب انسپکٹر خائستہ رحمن کو نان کسٹم پیڈ گاڑیوں کے سمگلروں کیساتھ روابط پر معطل کر کے لائن حاضر کر دیا گیا۔جبکہ ایس ایچ او تھانہ شیخ ملتون داؤد خان کو ایس ایچ او لوند خوڑ اور آر آرایف سکواڈ کے انچارج انسپکٹر بہار علی خان کو ایس ایچ او تھانہ شیخ ملتون تعینات کرنے کے احکامات جاری کئے۔
ضلعی پولیس سربراہ ڈاکٹر میاں سعید احمد نے کہا کہ محکمہ پولیس میں سزا و جزا کا عمل جاری رہے گا۔ کرپٹ اور بدعنوان عناصر کو ہر گز برداشت نہیں کیا جائیگا اور ان کے خلاف سخت سے سخت محکمانہ کاروائی کر کے مثالی سزائیں دی جائیگی۔
0 تبصرے:
ایک تبصرہ شائع کریں